LEGAZPI CITY-Arestado an sarong Rank no. 8 municipal most wanted sa Calongay, Pilar Sorsogon.
Segun kay Pilar MPS Acting Chief of Police, Police Captain Brian Bea, sa intrevista kan Bombo Radyo Legazpi, na naarestar an sarong 54-anyos na lalaki, single, construction worker, asin residente kan nasabing barangay.
Basado sa impormasyon, menor de edad an biktima kan suspek asin kapitbahay niya ini kung sain nagpoon an kaso kan magsumbong an ina kan suspek sa polisy asin sinabing nangmulestya ini.
Basado man sa imbestigasyon asin sa salaysay kan menor de edad na biktima, an hinipuan siya kan akusado.
Tulos man na nagpaluwas nin warrant of arrest an korte sa provincia kun sain nagresulta sa pagkakadakop kaini.
Basado sa report, nahahampang an akusado sa kasong Acts of Lasciviousness na igwang relasyon sa Section 5 kan Republic Act 7610 o an Special Protection of Children Against Child Abuse, Exploitation and Discrimination Act na igwang piyansang nasa kantidad P180, 000.
Sa presente nasa kustodiya na kan mga otoridad an akusado asin pighahalat pa an commitment order hale sa korte.
Padagos man an information dissemination kan kapulisan sa publiko dapit sa mga krimen.
Abiso man kan opisyal sa gabos na nagin biktima, an dai magduwang isip na magsumbong sa mga otoridad huli sa yaon sinda ngani magtugon sa sumbong asin pangangaipohan, siring man na tulos mag-dial sa 911 enkaso igwang respondihan, reklamo, o sumbong, ngani maaksyonan kan mga otoridad.
