LEGAZPI CITY—Arestado an Rank No. 5 Laguna Provincial Most Wanted Person sa ginibong manhunt operation sa Zone 5, Brgy. 37, Bitano, Legazpi City.
Binisto an akusado na si alyas “Anton”, 40-anyos, may agom asin residente kan nasabing lugar.
Nahahampang ini sa kasong carnapping asin may umiiral na warrant of arrest na iniluwas kan korte sa Sta. Cruz, Laguna, kan Nobyembre 12, 2025 kun sain may pigrekomendang piyansa na P300,000.
Ginibo an operasyon kan mga operatiba kan Polangui Municipal Police Station (lead unit) katuwang an Provincial Highway Patrol Team Albay, Albay Provincial Intelligence Unit, 1ST Albay Provincial Mobile Force Company, 505th Maneuver Company Regional Mobile Force Battalion 5 asin Pila Municipal Police Station sa koordinasyon sa Legazpi City Police Station.
Sa presente, dinara na an suspek sa Polangui MPS para sa magkakanigong disposisyon.
