LEGAZPI CITY—Timbog ang Rank 7 Most Wanted Person kan banwaan nin Rapu-Rapu Albay sa ginibong operasyon kan mga otoridad sa Legazpi City.
Segun ki Rapu-Rapu Municipal Police Station Acting Chief of Police Police Major Edwin Apun, sa intrevista kan Bombo Radyo Legazpi, ginibo an pag-aresto sa bisa kan Bench Warrant of Arrest na inisyu kan korte sa Iriga City, Camarines Sur para sa duwang bilang nin kasong Estafa na warang pigtalaang piyansa.
Segun saiya na pauli kuta an suspek sa Rapu-Rapu alagad nasabat ini kan mga otoridad sa Legazpi Port kan naunambitang ciudad.
Sa presente nasa kustodiya ini kan Rapu-Rapu MPS sa magkakanigong proseso asin disposisyon.
Pakihuron man kan opisyal sa namamanwaan na en kaso may manutaran na kaduda-dudang hiro nin indibidwal sa saindang barangay an tulos ining pagtaong aram sa kinauukulan.
