LEGAZPI CITY- Dakula an pasasalamat kan Rank 5 sa March 2026 Licensure Examination for Teachers sa gabos na mga nagsuporta saiya antes pa man an nasabing trayumpo.
Segun ki Jeanylyn Bilason sa intrevista kan Bombo Radyo Legazpi na namatean niya an matinding suporta kan saiyang pamilya.
Pag-istorya kaini na saro sa mga inspirasyon niya an mga magurang na labi an pagsusumikap ngani na masuportaran sinda sa ibong kan mga angat sa buhay.
Dae man kaini maibitaran na magin emosyunal kan balikan an pamamaaram kan ama, na dae na suboot personal na nahiling an saiyang trayumpo.
Nasundan pa ini kan nangyari sa saiyang ina, na tinawan na suboot nin taning an buhay asin na-confine sa ospital huli sa kamatean.
Segun ki Bilason na durante kan nag-aadal siya, pinagsabay an pag-aataman sa ina na naka confine sa ospital.
Kalaunan, mantang nagti-take suboot siya nin exam sa Bicol University, sinabat siya kan mamundong bareta na namaaram na man saiyang ina na garing nagpaluya sa saiya.
Mientras tanto kan makapagtapos na, nagibo kaining makalaog sa sarong pribadong institusyon asin pinagsabay an pagta-trabaho asin an pagre-review.
