LEGAZPI CITY—Karsel an bagsak kan Rank 5 Provincial Most Wanted Person kan Albay sa ikinundusir na operasyon kan mga kapulisan sa Valenzuela City.
Segun ki Jovellar Municipal Police Station Public Information Officer Police Captain Rufino Casagan, sa intrevista kan Bombo Radyo Legazpi, binisto an suspek na si alyas “Val”, asin residente kan Barangay Cabraran, Jovellar, Albay.
Naarestar ini huli sa three counts nin statutory rape na warang pigrerekomendang piyansa.
Dugang kan opisyal na durante kan naaraman kan suspek na may pigkasar na warrant of arrest an tulos ining nagluwas sa Bicol asin nahanap sa Valenzuela City.
Napag-araman na kaparientes suboot kan nasabing suspek an menor de edad na biktima kun sain tolos man ini-report kan ina kaini sa kapulisan nganing maarestar an nasabing persona.
