LEGAZPI CITY- Aminado an Bicolano Rank 4 sa Geodetic Engineer Licensure Examination na dae naging madali an saindang mga pinag-agihan sa pag-aadal kaya ipigkokunsiderar na dakulang biyaya an naabot na trayumpo.
Marurumduman na sa nasabing eksaminasyon, tulong mga Bicolano an nakasabay sa rank 10.
Segun ki Engineer Aaron Paul Lolor sa intrevista kan Bombo Radyo Legazpi na garing nabayadan an gabos na mga pagpapagal asin sakripisyo niya.
Marurumduman na nakakuwa ini nin 86.60% na rating.
Pag-istorya kaini na saro sa mga angat na pigkahampang ninda an pagsasairarom sa online classes sa enot na taon kan pag-aadal.
Napag-araman na an saiyang pamilya an nagin inspirasyon niya sa pag-aadal asin pagkuwa kan nasabing kurso.
Segun pa ki Lolor na an duwang iba pang Bicolano na kaibanan man sa rank 10 an kaibanan niya sa sarong dorm kaya saro ini sa mga nakatabang sa saindang pagre-review huli sa pagtatarabangan sa nagkapirang aspeto.
