LEGAZPI CITY—Naarestar an pigkokonsiderar na Rank 10 Regional Most Wanted Person sa kasong qualified rape sa Barangay Balasbas sa banwaan kan Manito, Albay.
Segun ki Manito MPS COP PCPT Jereck Banaynal, sa intrevista kan Bombo Radyo Legazpi, binisto an suspetsado na sarong 46-anyos, laborer, may agom, asin residente kan nasambitang lugar.
Naarestar an suspetsado sa pinagsarong operatiba kan Criminal Investigation and Detection Group (CIDG) Albay Provincial Field Unit, Albay Provincial Intelligence Unit asin Regional Intelligence Unit 5 asin Manito Municipal Police Station.
Naarestar ini sa bisa kan warrant na inisyu kan Branch 1, Regional Trial Court Legazpi City, sa kasong Qualified Rape of a Minor, na warang pigrerekomendang piyansa.
Sa presente, nasa kustodiya ini kan CIDG Albay PFU para sa magkakanigong legal na proseso.
