LEGAZPI CITY-Nagsurat na si Senate Minority Leader Tito Sotto kay Senate President Francis “Chiz” Escudero ngani isangat an pagpapadagos kan random drug testing sa senado.
Makalihis ini kan nagin insidente na subooot paghithit nin marijuana kan saro sa mga staff ni Senator Robin Padilla na si Nadia Montenegro sa comfort room kan senado.
Nakatalaga sa surat na kan taong 2018, nagsasagibo na nin sarong mandatory drug testing an senado na nag-uuyon sa Republic Act 9165 o an Dangerous Drug Act of 2002 asin Civil Service Commission Resolution no. 1700653 na nagsusugo na maipaotob an sarong mandatory drug test sa mga opisyal asin mga empleyado.
Segun pa sa surat ni Sotto, an pagsasairarom kan mga opisyal asin empleyado sa drug test an magpapatunay asin pagmamantenir kan moral, integridad asin kan responsiveness kan senado sa pagsimbag sa mga isyu.
Mientrastanto, piglalaoman kan mga senador na afuera sa pagmamantenir kan integridad ng senado ay makakatulong rin ang drug test para mapanatiling drug-free workplace ang kanilang mga tanggapan.
