LEGAZPI CITY-Piglalaoman na an rainy season sa mga masunod na aldaw.
Segun kay Weather Specialist Alexis Ruivivar, sa intrevista kan Bombo Radyo Legazpi na ini huli sa opisyal an anunsyo kan tag-uran o epekto kan southwest moonson.
Laoman man na makakaeksperyensya nin mga pag-uuran, habagat, asin localized thunderstorms.
Mantang sa Bicol Region, makakaeksperyensya man nin mapangunuron na kalangitan, isolated na pag-uuran, asin thunderstorms.
Mientras tanto, huring nahiling an pinagbabantayan na bagyo sa rayong 225 km east kan Itbayat Batanes asin Taiwan area.
Wara man suboot ining magigin epekto sa ibang parte kan nacion, afuera sa Batanes kun sain nakataas an wind signal.
Piglalaoman man na makakaluwas an nabanggit na bago sa luwas kan PAR saaga, aldaw nin Sabado.
