Kinumpirmar kan Bureau of Jail Management and Penology (BJMP) kan nakalihis na aldaw na isinugod sa ospital an nakadetineng si Kingdom of Jesus Christ (KOJC) leader Pastor Apollo Quiboloy kan aldaw nin Sabado.
Segun ki BJMP spokesperson Jail Superintendent Jayrex Bustinera, dinara si Quiboloy sa Rizal Medical Center kan BJMP-Pasig City Jail Male Dormitory bandang alas-5 nin hapon kan Sabado makalihis na dumaing na nadidificilan siyang maghangos.
Ipigrekomenda man kan BJMP physician na darahon sya sa pinakaharaning government hospital para sa magkakanigong medical intervention.
Segun sa BJMP official, ipigrekomenda kan attending physician na i-confine sa ospital si Quiboloy asin na-diagnose na may community acquired pneumonia.
Pagsierto man kan opisyal na mantenidong nasa irarom kan kustodiya kan BJMP si Quiboloy asin ipighigot an seguridad sa lugar mantang naka-confine ini sa ospital.
Magigiromdoman na presenteng nahahampang si Quiboloy sa patung-patong na kaso kairiba an ang non-bailable qualified human trafficking, child asin sexual abuse.
