LEGAZPI CITY- Nairehistro an sarong pyroclastic density current signals o uson sa bulkang Mayon basado sa 24 oras na monitoring kan Philippine Institute of Volcanology and Seismology.
Afuera digdi, igwa man nin limang volcanic earthquakes kaibanan an sarong volcanic tremor na nagdurar nin 25 minutos an lawig.
Na-monitor man an nasa kabilugan na 197 rockfall sa nakalihis na magdamlag.
Ini an katakod kan nagpapadagos na aktibidad kan bulkan.
Sa presente, nagtetenir sa alert level 3 an Mayon volcano kaya padagos na pigpapalikay an publiko sa paglaog sa 6km radius permanent danger zone kan bulkan.
