Nagin mainit an pag-oolay ninda US President Donald Trump asin Ukrainian President Volodymyr Zelensky.
Nasa White House an Ukrainian President nganing pumirma kuta kan mineral deal sa US.
Kaiba sa laog kan pag-oolay sa Oval Office si US Vice President JD Vance kun saen binatikos kaini si Zelensky sa pagiging agresibo sa paghagad sana nin tabang.
Dae suboot nagpasalamat an Ukrainian President sa mga tabang na naitao kan US dawa na an ikinampanya kaini sa nakalihis na US Election iyo an kalaban ni Trump na si dating US Vice President Kamala Harris.
Nagpalitan naman nin taramon sinda Zelensky asin Trump kun saen sinisi pa kaini an Ukrainian President na siya an nagpapalala sa kariribukan ninda sa Russia.
Huli man sa nagin tensyon sa laog kan Oval Office an dae na nalawos an news conference kan duwang lider kan nacion asin magin an nakatalaan kutang pirmahan kan mineral deal.
Magigirumdumang inakusaran ni Trump si Zelensky na siya an nagpoon kan pag-atake sa Russia.
