Nagpaparahay na ngonian sa ospital an sarong pulis makalihis na saksakon sa mata kan sarong lalaki na dadakupon kuta sa Santa Catalina, Negros Oriental.
Segun sa pulisya, nadakop an 35 anyos na suspetsado sa ginibong hot pursuit operation kan Miyerkules na banggi sa Barangay Milagrosa huli sa pagkakaimbwelto kaini sa sarong insidente nin pananaksak sa sarong babae.
Alagad kan dadakopon na an suspechado, nagkua ini nin matarom na bagay asin sinaksak sa mata an pulis bago naglukso sa bintana asin nagdulag.
Tulos man na dinara sa ospital an pulis na may ranggong Executive Master Sergeant asin residente kan banwaan nin Zamboanguita.
Dae naghaloy, inarestar kan ibang mga pulis an suspetsado na nagtatago sa sarong salog.
