LEGAZPI CITY — Pinag-iimbestigaran na ngunyan kan mga otoridad an posibleng motibo sa likod kan paggadan sa sarong pulis sa Brgy. Calzada, ciudad nin Ligao.
Pasado alas-dose nin ugto kasuodma kan pagbabadilon si PO2 Daniel Ochoa mantang sakay kan saiyang puting behikulo kung sain napag-araman na makaon sana ini sa sarong bulalohan sa Maharlika Highway kaiba an anom na iba pang police trainees.
Sa ekslusibong intrevista kan Bombo Radyo Legazpi ki P/Supt. Lorenzo Bacia, hepe kan Ligao City Police Station, limang tama nin bala an sinapar ni Ochoa hale sa riding in-tandem suspects partikular na sa liog, daghan, likod, hita asin sa payo na pigtutubudang rason kan pagkagadan kaini.
Swerte naman na warang tamang sinapar an mga kaibanan kaini sa behikulo kun saen nagluluwas na garing si Ochoa sana suboot an target sa short-range na pambabadil.
Bukas man an mga police trainees sa pagtatao nin testimonya na kumpiyansang ipighayag na mabibisto an mga suspek en kasong liwat na mahiling maski na naka-helmet an mga ini kan isinagibo an krimen.
Mientras tanto, segun ki Bacia na Disyembre kan nakaaging taon kan mag-AWOL (Absence Without Leave) si Ochoa mantang presenteng pigdadangog an kaso kaini sa Regional Internal Affairs Services (RIAS) kan Bicol.
Napag-araman na bakong ini an enot na bes na binalong gadanon an pulis kun saen taong 2016 kan pagbabadilon man ini sa Camarines Sur asin nakaag pa sa kritikal na sitwasyon.
