LEGAZPI CITY — Nagpapadagos pa an piggigibong paghahanap kan mga otoridad sa mga suspek sa pambabadil-gadan sa sarong pulis sa Barangay Naspi, Pilar, Sorsogon.
Tulos na binawian nin buhay si PO1 Darwin Borsil, 34-anyos na naka-assign sa Castilla PNP asin residente kan Barangay Lourdes sa banwaan kan Pilar.
Nagluluwas sa inisyal na imbestigasyon na pabalik na sa istasyon an pulis makalihis na magbisita sa agom kaini sa Pilar kan biglang tambangan kan poco mas o menos limang miyembro kan pigtutubudang New People’s Army (NPA).
Lunad kan saiyang motorsiklo, pinagbabadil si PO1 Borsil gamit an armalite rifle na nagresulta sa tulos na
pagkagadan.
Pig-aaram pa sa ngonian an motibo sa likod kan pambabadil.
