LEGAZPI CITY- Gadan makalihis na pagbabadilon an sarong pulis sa kalabaan kan McKinley St., Brgy. Guilid, Ligao City mantang naka-duty ini.
Sa nagunong impormasyon kan Bombo Radyo Legazpi, napag-araman na naga ronda an pulis na nabistong si PO1 Ruben Payadyad Jr. na nakadestino sa Ligao City Police sa area of responsibility kaini kan sarong dae pa nabibistong suspek an nagrani asin pinaputukan ini nin badil.
Sa kritikal na tama nin bala hali sa dae pa naaaraman na kalibre nin badil, nagresulta ini sa kagadanan kan nasambitan na pulis.
Sa presente, naglalaom an mga otoridad sa marikas na resulta kan imbestigasyon kan saindang kabaro asin ongoing man ngunyan an hot pursuit operation para sa pagkakabisto asin pagkaka arestar kan nasambitan na suspek.
