LEGAZPI CITY — Nag-abot na sa 1,300 sako nin bagas an nabakal kan Provincial Social Welfare and Development Office (PSWDO) Albay para sa relief goods na itatao sa mga evacuees na apektado kan pag-aalburuto kan Bulkang Mayon.
Sa eksklusibong intrevista kan Bombo Radyo Legazpi kay provincial social welfare head Eva Grageda, hali pa sa National Food Authority (NFA) an supply na pigre-repack nganing maipanao sa mga apektadong residente sa manlain-lain na banwaan sa probinsya.
An kada sarong pack an may laog na tigtu-tulong kilo nin bagas asin may kasabay na malong nganing magamit kan mga evacuees.
Segun kay Grageda, duro-deretsyo an pagbakal kan ahensya nin supply nin bagas nganing masiertong pirmeng may stock.
Mientras tanto, dakula an pasasalamat ni Grageda sa mga volunters asin reservist na katabang kan ahensya sa pag-repack kan mga relief goods.
Sienerto man kan PSWDO na padagos an saindang mga operasyon nganing masigurong may bastanteng supply nin food packs na maipapanao sa mga residente.
