LEGAZPI CITY-Pigpoproseso na kan Provincial Social Welfare and Development Office Albay an ngani masierto an food security para sa mga apektadong residentes huli sa pag-alburuto kan Bulkang Mayon.
Segun kay Albay Provincial Social Welfare and Development Office head Maria Vivien Cea sa intrevista kan Bombo Radyo Legazpi, na responsibilidad ninda an food security siring kan mga enot na pangangaipohan.
Naka-monitor naman sinda sa kamugtakan kan mga residentes asin local government unit ngani bantayan an datos para sa pagbabarewas kan mga relief goods.
Pigsierto man kan ahensya na suspisyente man an suplay siring kan mga nakalihis na taon kun sain nakapagbarewas nin iba pang pangangaipohan sa agrikultura.
Kasabay kaini, pigaasigurar man ninda an sitwasyon kan mga senior citizens, mga jovenes, asin person’s with disabilities huli sa maghahaloy pa an nasabing camp management.
