LEGAZPI CITY—Puga-puga na an preprasyon kan Public Safety Office Legazpi katakod kan nagdadangadang na Palarong Bicol 2026 na gigibohon sa ciudad.
Segun ki Public Safety Office Legazpi Head Octavio Rivero, sa intrevista kan Bombo Radyo Legazpi, padagos an saindang coordination nganing maayos na an seguridad kan mga atletang mapartisipar sa aktibidad.
Afuera digdi, kinaolay niya na man an mga presidente kan grupo nin transportasyon na dae mag-overcharge an mga driver sa mga pamasahe kan mga delegado na mabisita sa ciudad.
Nakatalaan man an saindang ofisina na magd-deploy nin mga personahes para sa mga gagamitong eskwelahan kun sain katabang ninda an kapulisan para sa pag-obserbar kan seguridad.
Nagpatanid man si Rivero sa paggamit nin colorum na tricycle huli sa nai-impound ini kan saindang ofisina.
