LEGAZPI CITY-Kalaboso an sarong indibidwal na nasa listahan kan Provincial Most Wanted Person sa Pioduran Albay.
Basado sa impormasyon, binisto an akusado na si alyas “Manny” asin may pigkakahampang na tulong kaso kan Statutory Rape sa irarom kan Artikulo 266-A asin 266-B kan Revised Penal Code Republic Act 8353 na warang pigrerekomendang piyansa.
Naarestar an akusado sa saiyang harong sa Pioduran, Albay huli sa isinagibong operasyon kan mga otoridad.
Sa presente, nakakarsel an akusado sa Pioduran Municipal Police Station para sa magkakanigong disposisyon.
Padagos man an paglaban kan mga otoridad sa karahasan asin pangaabuso sa nasabing banwaan.
