LEGAZPI CITY — Aprubado na an pagpapatugdok sa Albay kan Provincial Human Settlement Office na mamamayo sa pagsagibo nin inspeksyon sa mga relocation site asin resettlement areas.
Sa presente, nasa irarom kan Albay Public Safety and Management Office (APSEMO) an nasambitan na trabaho mientras na dae pa naikokonstruhir an nasambitan na opisina.
Susog sa pahayag ni APSEMO chief Dr. Cedric Daep, si Governor Al Francis Bichara an nagmukna kaini ngani na matutukan an pagsagibo nin survey asin pagresolbar sa mga problemang kikahampang kan mga resettled families.
Sa ngunyan, sinabi ni Daep na pighahalat na sana an procurement kan ibang pasilidad na ibubugtak sa bagong opisina.
Dae pa man suboot nin mga nakadisignar na empleyado para digdi kun sain idinugang pa kan Officer in Charged na si Daep na magkakaigwa nin department head sa paagi kan plantilla position.
Ineksplikar kan opisyal na saro ining independent office na mamantinir sa mga eksistidong programa asin livelihood programs para sa mga benipesyaryo kan resettlement areas.
