LEGAZPI CITY — Pinahimutikan kan Environmental Management Office (EMO) Albay na nagkakaigwa nin pagpabor gikan sa mismong local government unit (LGU) kan Polangui an mga poultry raisers kun kaya nakakabwelo ining mag-operate maski kulang sa rekisitos.
Sa intribista kan Bombo Radyo Legazpi ki Engineer Rey Monreal, EMO Albay chief, sinabi kaining paramientras na ipapapundo an operasyon kan mga saradit na poultry farms sa lugar huli ta napag-araman na dae ini nin locational asin environmental permit.
Makakakua nin locational permit sa LGU mantang sa EMO makua kan para sa environmental.
Sa pagpundo kan mga ini, makundusir suboot an Provincial Health Office (PHO) nin humidation, fogging asin iba pang paagi ngani na mapuho an langaw na iyo an pig-aagrangay kan kadaklan na mga residentes sa banwaan.
Dugang pa ni Monreal, tulong dakulang poultry farm sa lugar an naka-comply sa mga rekisitos kun kaya magpapadagos an saindang operasyon.
Dae man suboot masierto kun talagang hale sa mga ini an langaw huli ta pwedesir na gikan man sa mga basura o mga harong na kulang sa sanitation.
Kan Abril 21, nagtiripon para sa sarong committee hearing sa Sangguniang Bayan an mga tagsadiri kan piggery asin poultry farms, barangay kapitan, PHO asin EMO ngani na pag-olayan an nasambitan na problema sa langaw.
