LEGAZPI CITY – Nagdistrebwir nin uminabot sa kantidad na P1.5 million an gobyerno provincial kan Albay para sa manlaen laen na ekipahes na magagamit sa therapy, computer sets para sa mga personang igwang kani’nan asin mga sewing machine para sa pangkabuhayan kan mga organisasyon nin kababaihan sa probinsya.
Segun sa Albay Social Welfare and Development (SWDO),an mga computer sets na ini an ipigdestribwer sa 18 banwaan asin syudad sa probinsya para sa online registration kan mga PDWs na piglalaoman na magtatao nin benipisyo sa nasa 15,000 na rehistradong PWDs.
Mientrastanto, maabot man sa 1,944 miyembro kan organisasyon kan kababaihan sa probinsya na KALIPI o an Kalipunan Ng Mga Liping Pilipina an makikinabang sa ekipahes na pangkabuhayan na ipinadara sa banwaan kan Tiwi, Sto Domingo, asin syudad kan Tabaco.
Napag-araman man na an KALIPI group hali sa syudad kan Tabaco an magibo nin mga school uniforms, kurtina, punda asin bed sheets mantang an nasa Sto Domingo asin Tiwi an maprodusir nin eco-bags asin mats.
