Provincia kan Albay, ‘white area’ na alagad mantenidong naka-alerto vs. rebelde- PNP

LEGAZPI CITY- Mantenidong naka-alerto an Albay Police Provincial Office sa mga hiro kan rebeldeng New People’s Army (NPA) dawa pa maikokonsidera na suboot ining salbado asin maski pa gurano kahigot an ipigpapaotob na pagbabantay sa seguridad.
Sa intrevista kan Bombo Radyo Legazpi ki PC/Insp. Arthur Gomez, tagapagtaram kan Albay PPO, konsideradong ‘white area’ na an Albay huli ta dikit na sana an presensya kan mga armadong grupo sa provincia.
Alagad, tinawang-duon kaini na dae dapat na magpapakumpiyansa an lado kan kapulisan na posibleng magin target kan mga rebelde sa maski anong oras man.
Sa ibong na lado, nagkapirang banwaan man kan Albay an nasa listahan pa kan mga ‘concerned areas’ siring na sana kan Manito, Pioduran asin Jovellar. Nagpakaag naman nin augmentation asin detachment sa mga nasabing lugar tangarig na magin dakulang katabangan en kaso magbungkaras an mga remalaso .