LEGAZPI CITY – Nagpaotob nin temporary ban an Gobierno Provincia kan Albay sa paglaog nin mga avian species, avian by product, asin pigeon racing activities na haleng Camarines Sur.
Segun ki Albay Provincial Veterinarian Dr. Pancho Mella sa intrevista kan Bombo Radyo Legazpi na ini an nagin aksyon kasunod kan pahayag kan Bureau of Animal Industry na may nanotaran na aktibong kaso kan High Pathogenicity Avian Influenza (HPAI) Type A Subtype H5N9 partikular na sa Camaligan, Camarines Sur.
Nagtaong kasuguan si Albay Governor Glenda Bongao nin temporary banning nganing dae maulakitan an provincia asin dae mapilay an poultry industry kan nasabing helang.
Ini suboot an enot na kasong nairehistro sa enterong nacion asin pwedesir na makuwa sa paagi kan bird to bird transmission asin bird to human transmission.
Pigtaram pa kan opisyal na nagkaigwa na sinda nin mga boarder checkpoints sa mga boundary kan duwang nasambitang provincia nganing dae makalaog an mga poultry products na posibleng carrier kan helang.
Kasabay man mga live avian birds arug kan pato, gansa, mga pangsabong na manok, mga balukag, asin mga contaminated secretion an dae man tutugutan na malaog sa Albay.
Mahigot man na ipapaotob an bio-security measures para man sa mga tawo na hale sa Camarines Sure na malaog sa provincia kan Albay.
Pagirumdom ni Mella sa mga poultry farmers na i-implementar an bio-security protocol sa saindang mga farms, magin vigilante asin tulos na makipag-koordinar sa pinakaharaning veterinary office enkaso makamati an saindang mga atamang poultry animals nin sipon asin halak na saro sa mga sintomas kan Avian Influenza.
