LEGAZPI CITY – Mas pinili ni dating Albay congressman Grex Lagman na dae ibash si Maxine Medina sa pagpalyar kaini na masungkit an Miss Universe 2016 title.
Segun ki Grex, proud siya sa pambato kan Pilipinas huli sa ginibo kaini an saiyang gabos na makakaya asin bastante na ini para sa sating kongresista.
Kaipuhan suboot na maging proud an lambang saro ki Medina asin itao an pagpadaba sa Pinay.
Nag-apela man sa publiko si Grex na punduhon na an pagtuyaw ki Medina sa social media kun saen sinabi kaini na nasa irarom nin labing pressure an mga pageant contestants na dae aram kan mga tawo.
Nakalaog si Medina sa Final 6 alagad mas generalmenteng nahiling ki Medina an saiyang simbag sa interview portion.
Alagad inako man kan aki ni dating House Minority Leader Edcel Lagman na mas piglalaoman niyang manggana si Ms. Columbia na nagtapos bilang 2nd runner-up.
