LEGAZPI CITY — Naglalaom an transport group na Concerned Drivers and Operators-Tsuper asin Operator Nationwide (Condor-Piston) sa Bicol na dadangugon kan gobyerno an saindang pangapudan na dae na ipadagos an planong pag-phaseout sa mga lumang pampasaherong Jeepney.
Segun ki Condor-Piston-Bicol deputy secretary general Ramon Rescovilla, nagkasaro ngunyan an mga jeepney operators asin drivers sa bilog rehiyon ngane kontrahon an modernization program kan Land Transportation Franchising and Regulatory Board (LTFRB) asin Department of Transportation (DOTr).
Segun digdi, bako sarong simpleng oroay an lakdang kan ahensya huli sa digdi suboot nakasalalay an pangkabuhayan kan mga operator asin driver.
Itinaon man an protest caravan sa turn-over ceremony kan matukaw na bagong direktor kan LTFRB-Bicol na si dating NBI Intelligence Agent Jun Abrazaldo na pangengenotan ni LTFRB Chairman Martin Delgra.
Kun babalikan, ipigbubusol kan LTFRB an pag-phase out kan mga jeepney na 15 taon na asin riribayan ini nin electric jeepney.
