Ikinaogma kan prosekusyon ang naging desisyon kan Senate Impeachment Court na magluwas nin subpoena para sa bank records, Anti–Money Laundering Council reports, asin tax documents ni Vice President Sara Duterte asin kan saiyang agom na si Manases Carpio.
Segun sa House prosecution panel, ang lakdang na ini an sarong dakulang trayumpo para saindang panig huli sa matao ini nin mas mahewas na ebidensiya nganing patunayan an suboot “unexplained wealth” ng Bise Presidente.
Binasa ni Senate Presiding Officer Francis “Chiz” Escudero ang ruling sa ikapitong aldaw kan paglilitis kun san ipigdoon kan korte na natugunan kan mga pighahagad na dokumento ang rekisito kan impeachment proceedings: malinaw ang pagkakalarawan, madaling matukoy, asin may prima facie relevance sa mga alegasyon.
Kaiba sa subpoena ang records kan 19 corporate entities na konektado sa mag-agom, basado sa saindang General Information Sheets, Articles of Partnership, asin mga SALN puon 2022 hanggang 2025.
Tinuligsa kan depensa an subpoena bilang “fishing expedition” asin pagbalgar sa due process, alagad pagdoon kan korte, dae pwedesir ulangan kan bank secrecy laws asin confidentiality provisions kan ng Anti-Money Laundering Act ang kapangyarihan kan Senado bilang impeachment court.
Sa desisyon, binanggit pa kan tribunal ang precedent kan impeachment trial ni dating Chief Justice Renato Corona kung saen pinirit na iluwas an tax records.
Para sa prosekusyon, ang pagbubunyag kan mga financial records an matao nin mas malinaw na ladawan sa pinagmulan kan yaman ni Duterte asin masirbing matibay na batayan sa saindang kaso.
An lakdang na ini an nahihiling na kritikal sa pagtukoy kun igwang katiwaian asin salang paggamit kan kapangyarihan sa panig kan Bise Presidente.
