LEGAZPI CITY—Ipigdoon kan sarong political analyst asin constitutional law expert na kinakaipuhan kan prosekusyon na mapatunayan kun nata sarong culpable violation of the Constitution na nangangaipo nin pagtanggal ki Vice President Sara Duterte sa saiyang opisina, an ginibong pagpatanid kaini sa buhay ni Presidente Bongbong Marcos, First Lady Liza Marcos, asin Leyte 1st District Rep. asin dating House Speaker Martin Romualdez.
Segun ki Atty. Michael Yusingco, sa intrevista kan Bombo Radyo Legazpi, ini an dapat pighahanap sa mga prosekusyon sa kun pano makukumbinsi urog na an mga senator-judges, na may malinaw asin makakumbisidong ebidensya na an pagpatanid ni VP Sara an sarong culpable violation of the constitution asin dapat na tanggalon ini sa pwesto.
Sa presente saro suboot ining angat para sa prosekusyon urog nang napatunayan na man sa mga enot na aldaw kan paglilitis na bako AI an video kan pagpapatanid kan bise presidente asin dae man ini pinahimutikan kan respondent na ginibo niya ini.
Mientrastanto, dugang kaini na an nangyaring paglilitis an kompwesto nin judicialization of process asin sarong ‘political theater’ na nagkakawsa nin pagkalibong sa mga namamanwaan.
Liwat man sinabi ni Yusingco na laoman na may epekto sa politika an nagpapadagos na impeachment trial kan bise presidente asin urog na para sa masunod na 2028 elections.
