LEGAZPI CITY-Dai na ihahampang kan prosekusyon bilang mga testigo sina Office of the Vice President Chief of Staff Zuleika Lopez asin House Legislative Security Bureau Executive Director Capt. Belinda Bello sa impeachment trial ni Vice President Sara Duterte.
Segun kay Prosecution Counsel Lorna Kapunan, dai na kaipuhan asin magigin pauru-utro na sana an saindang testimonya.
An presentang pagdangog, nakatutok sa impeachment article na may koneksyon sa suboot pagbabanta kan Bise Presidente laban sa nagkapirang haralangkaw na opisyal kan gobierno.
Kasunod kan limang trial days sa impeachment trial ni VP Sara Duterte, nagdesisyon an House Prosecution panel na dai na ipresenta si Atty. Zuleika Lopez na dapat kuta na masunod na testigo sa nasabing papel.
Sinabi kaini na dai na kaipuhan kan saiyang testimonya huli ta mismong an abogado kan depensa na si Atty. Mark Vinluan an nag-ako sa mga bagay na dapat sanang ihapot o ipapa-confirm kay Lopez.
Nagkapirang utro naman na pigako mismo kan Defense lawyer an mga nasabing impormasuon kaya nagdesisyon an panel na dai na ihampang pa an Chief of Staff kan OVP na si Lopez.
Afuera kay Lopez, dai naman ipe-presentar kan panel si Capt. Belinda Bello.
Huli digdi, sinabi ni Kapunan na mababawasan nin pirang aldaw an triak huli ta duwang witness na an dai na ipe-presentar sa paglilitis.
