Preparado na an House Prosecution Panel na hampangon asin busision an mga testigong ihahampang kan kampo kan depensa sa nagpapadagos na impeachment trial kontra ki Vice President Sara Duterte.
Sa intrevista kan Bombo Radyo Iloilo, inihayag ni Atty. Hez Montalan, deputy spokesperson kan prosecution panel, na preparado an saindang grupo na isagibo an cross-examination ngani na masuri an kredibilidad kan mga testigo asin an koneksyon kan mga pahayag kaini sa mga alegasyon kontra sa bise presidente.
Tinawan duon ni Montalan na afuera sa direktang paghahapot, preparado man an prosekusyon na magsunad nin objection kontra sa mga hapot o argumentong kuwestiyonable asin dae nagsusunod sa itinalaan na polisiya kan impeachment proceedings.
Pinaglalaoman na magiging kritikal an masunod na yugto na ini kan paglilitis huli ta babaluon an integridad kan mga ebidensya asin testimonya kan mag-inibong na lado sa irarom kan tamang proseso kan ley.
Liwat na ipigduon kan opisyal na importanteng mamantenir an kaayusan asin pagsunod sa mga patakaran kan impeachment court ngani na masierto an patas asin transaparent na pagluwas kan katotoohan dapit sa kaso.
