Inenganyar ni House prosecutor asin Bicol Saro Party-list Rep. Terry Ridon si Vice President Sara Duterte na personal na mag-atendir sa Senate impeachment trial ngunyan na Lunes, Setyembre 14, kasabay kan pagpupuon kan paglalahad nin ebidensiya sa Article II o ang alegasyon kan unexplained wealth.
Segun ki Ridon, importante na maghampang an bise presidente mantang ilalatag kan prosekusyon an mga dokumento asin testimonya katakod kan yaman kan pamilya Duterte na dae maipaliwanag basado sa saindang lawful income.
Sa tulong bulan na paglilitis asin 23 hearing dates, dae pa personal na naga-atendir si Duterte sa impeachment proceedings, kaya pauru-utro man siyang pig-aagyat kan prosecutor na maghampang sa Senate impeachment court.
Mientras tanto, pinaglalaoman na ilalatag kan prosekusyon an labi sa 1,800 financial documents asin testimonya kan nagkapirang resource persons para sa Article II, kaibanan an mga record na may kinaaraman sa bank transactions asin iba pang financial interests kan pamilya.
