Hayagang inapod ni House prosecution counsel Atty. Lorna Kapunan na sarong scam an paggastos kan Office of the Vice President (OVP) asin Department of Education (DepEd) sa milyun-milyong confidential funds sa tahaw kan impeachment trial ni Vice President Sara Duterte.
Sa pagpapadagos kan pagdangog, hinapot ni Atty. Kapunan an testigo asin dating auditor kan Commission on Audit (COA) na si Roderick Wamil dapit sa mga regulasyon kan gobierno.
Segun sa COA circular, kun an pampublikong pondo an dae maipaliwanag o warang bastanteng dokumento, igwang hinala o presumption na ini an nagamit sa personal na kapakinabangan kan opisyal (prima facie evidence).
Kan kumpirmaron kan testigo na tugma an sitwasuon, inihayag ni Atty. Kapunan an saiyang huring komento antes tapuson an paghahapot asin sinabing kun siya an hahaputon, saro ining scam.
Tulos man na puminalag asin nag-object si Atty. Michael Poa na tagapagtaram kan depensa.
Sinabi ni Atty. Poa na an pahayag kan prosecution counsel ay out of order.
Kinatigan ni Senate Impeachment Presiding Officer Francis “Chiz” Escudero an pagtutol kan depensa.
