Inaprubaran na sa ikatulo asin huring pagbasa sa Kamara de Representantes an propwestong ley na nagpapalawig sa sagkod anom na taon sa mga termino kan mga Barangay asin Sangguniang Kabataan Officials gikan sa dating tulong taon.
Sa ginibong botohan, igwang 153 na mga kongresista an nag-apruba sa House Bill 11287.
Igwang apat an kongresista an bako pabor asin saro an nag-abstain.
Nakabugtak man sa propwestong ley na an synchronized Barangay asin SK elections an mangyayari kada anom na taon sa ikaduwang Lunes kan Mayo puon sa taong 2029.
Wara man nin mga elective barangay officials na maserbi nin labi sa duwang magkasunod na termino sa parehas na posisyon.
Mantang warang Sangguniang Kabataan official an maserbi nin labi sa sarong termino.
An nasabing propwestong ley an iniakda ni House Speaker Martin Romualdez asin pirang lideres kan Kamara de Representantes.
