LEGAZPI CITY- Pighahalat na sana ngonian kan Provincial Government of Albay an pagpirma kan Memorandum of Agreement (MOA) tangarig pormal nang maiturn over sa provincia an P5.2-million na donasyon kan Myanmar sa mga naapektaran kan Mayon eruption.
Pipirmahan an nasabing MOA sa pagultanan ninda Governor Al Francis Bichara asin Office of the Civil Defense Administrator and Executive Director Usec. Ricardo Jalad tangarig na mailipat an pondo.
Sa intrevista kan Bombo Radyo Legazpi ki Albay Public Safety and Emergency Management Office (APSEMO) chief Dr.
Cedric Daep, binabaan an opisina nin direktiba sa pagkrear kan pagtatagamahan kan pondo.
Kaibanan sa components kan approved proposal an pagbakal nin Geological Information System (GIS) para sa mapping kan manlaen-laen na hazards sa kada barangay; training sa barangay newly-elected officials urog na sa mga nasa pamitisan kan Mayon volcano asin pondong pandugang sa daga sa relocation.
Enot naman na ipighayag ni OCD Bicol Dir. Claudio Yucot sa suway na intrevista kan Bombo Radyo na nasa P509-million na an kabilugang financial assistance na naresibe kan Albay puon kan mag-alburoto an bulkang Mayon kan Enero 13 kan presenteng taon.
