Inapod kan koalisyon asin iba pang grupo na ‘propaganda’ asin gaslighting an dai pa sana nahahaloy na aksyon kan Tsina sa West Philippine Sea.
Makusog na nagpahayag an Atin Ito Coalition nin dae pagtanggap sa suboot pagtabang kan nasyon sa mga parasira na Pilipino.
Sa eksklusibong intrevista kan Bombo Radyo ki Rafaela David, convenor kan Atin Ito Coalition, sinabi kaini na daing iba kundi panlilinlang an ipinapahiling na lakdang kan Tsina.
Nanindugan ini na ‘image management’ ini kan ibang nasyon makalihis an dai pa sana nahahaloy na inapod na ‘Christmas Attack’.
Nagkapirang mga Pilipinong parasira an nairido makalihis na gamitan kan Chinese Coast Guard nin mga makusog na water cannon sa mga fishing boat na piggagamit sa panghanapbuhay.
Huli kaini, nanindugan ini na dae kaini matatanggal an pauru-utrong insidente kan mga barkong Tsina na naghaharass sa mga Pilipino.
Liwat niyang tinatawan duon na an paglaog kan barkong Tsina sa kadagatan an pwedesir sanang ikonsiderar na gaslighting.
Mantang nagsabi ini kan saiyang paninindugan na dai kaini tutugutan an mga lakdang kan mga dayuhan na linlangon an pananaw sa saindang gawi.
Nagpatanid man sa publiko si Rafaela David kan Atin Ito Coalition na dae tulos magtubod sa mga nahihiling online.
