LEGAZPI CITY – Inilunsar kan Help Youth – Bicol an Project Tabang Parasira sa ciudad nin Legazpi.
Segun ki Help Youth – Bicol Head Coordinator Ceasar Goyala sa intrevista kan Bombo Radyo Legazpi na obheto kan inisyatiba na magtaong tabang sa mga parasisira partikular na sa Barangay Victory Village, Legazpi City.
Dae na suboot nakakapalaot an mga parasisira ngonian nin huli sa warang patod na pag-uuran na dara kan shearline.
Imbis na nagtao sana nin foodpacks, nagpasiring sinda sa lugar asin nagsagibo nin community immersion nganing masabotan nin maray an namamatean kan mga parasisira.
Naobserbaran kaini na kalimitang mga may kagurangan na an mayorya kan mga parasisira sa naunambitang Barangay asin nagpoon nang nagsisira sa edad na 15 anyos mantang pigsasabi kan mga ini na mas difisil ngonian an pagsisira nin huli sa pigpapaotob na 15km fishing restriction.
May mga aldaw man suboot na warang nadadakop an mga parasisira partikular na kun pabago-bago an panahon kun kaya napipiritan an iba na magsideline nganing may makakaon sa pang-urualdaw.
Dae na man naipapabakal kan ibang mga parasisira an saindang nadadakop nin huli ta mas pigapili na sana ninda na kaunon an mga sira asin mas halangkaw na suboot an 180 pesos per kilo an sira na saindang pigpapabakal.
Pangapodan kaini sa gobierno na tawanan nin tabang an mga parasisira arug kan bangka, kagamitan sa pagsira, asin mga bulong kasabay man an kamotwan sa pagtangkas sa 15km fishing zone nin huli ta bako ini bastante nganing makadakop nin sira an mga parasisira.
