LEGAZPI CITY – Inasegurar kan liderato kan Department of Information and Communications Technology (DICT) an pag-otob sa marching order ni Presidente Rodrigo Duterte sa pagtatao nin marikas na internet connection sa Pilipinas.
Sinabi ni Secretary Gringo Honasan sa ekslusibong intrevista kan Bombo Radyo Legazpi, kamawotan kan lakdang na maikonektar na salbado asin libre an kada Pilipino sa nasyon.
Nakatalaan na suboot na ilatag an programa na maabot magin an mga kahimanwa sa hararayong lugar kan nasyon.
Pigtatarget kan nasabing ahensya an gamit kan fiber optics o mas marikas pang klase nin ekipahe para sa internet connection.
Pagbuyagyag pa ni Honasan na igwa nang nagkapirang telecommunication companies na nag-volunteer na magtao nin libreng broadband muna sa promesa nin ganansya sa futuro.
Ini an panalmingan man suboot nin long-term commitment kun sain sa 200 mbps na wifi spots sa Bicol, nakatalaan na dugangan asin itaas sa 1,000 mbps antes na matapos an taon.
