LEGAZPI CITY- Padagos an pigigibong balidasyon kan Police Regional Office Bicol sa mga danyos na sinapar kan mga hepatura asin mga pasilidad kan mga kapulisan sa probinsya kan Catanduanes na labing naapektaran kan super typhoon Pepito.
Sa intrevista kan Bombo Radyo Legazpi kay PRO5 Director PBGen. Andre Dizon, nagsagibo na nin validation sa mga opisina kan kapulisan na nadistroso kan kalamidad.
Afuera kaya sa mga establishimento, igwa man nin nagkapirang service vehicle an nagsapar nin danyos.
Ipinagpapasalamat man kan opisyal na warang casualty o nakulugan na mga kapulisan huli sa nasabing raot nin panahon.
Mientras tanto nakatalaan man na magbisita an opisyal sa Catanduanes para mailing an sitwasyon kan mga personahes asin kan mga hepatura.
