Gadan an Prime minister kan Houthi government sa Yemen kabale an pirang ministro makalihis an airstrike kan Israel sa kabisera na Sanaa, segun sa report kan news agency na pigpapadalagan kan grupo.
Segun sa report, pira pang opisyal an irido sa pag-atake kan Huwebes.
Kinumpirmar kan Israel kan Biyernes na an nasabing operasyon an nakatuon laban sa mga haralangkaw na opisyal kan grupong kaalyado kan Iran, kabale an chief of staff, defense minister, asin iba pang senior officials.
Padagos pang pigbeberipika an resulta kan operasyon.
Dai man malinaw kun kabali sa mga nagadan an Houthi defense minister.
Binisto an nagadan na si Ahmad Ghaleb al-Rahwi, na nagsirbing Punong Ministro sa laog nin haros sarong taon.
Segun sa mga Houthi, si Al-Rahawi an tinarget mantang nag-aatendir sa sarong workshop kabale an iba pang opisyal kan saindang gobierno.
