LEGAZPI CITY-Ipighayag kan grupo nin transportasyon na dai ninda ikinaogma an pagbawas sa presyo kan produktong petrolyo ngonian na semana, huli ta diit sana an ibinawas digdi asin nawaran sinda nin kita.
Segun kay Piston President Mody Floranda, sa intrevista kan Bombo Radyo Legazpi na saro suboot ining “paglalaro” sa mga oil companies kun sain nasa .50 centimos sana an rollbacl sa presyo.
Kun hihilingon man suboot poon Mayo 30 hasta sa presente, labi sa P30 an itinaas sa presyo kan Diesel.
Dai man suboot ini makakatabang sa mga ordinaryong driver asin namamanwaan huli sa diit na kita asin dai nin mababakal digdi.
Haros nag-abot man suboot sa P29 an itinaas sa presyo kan gasolina kada litro, kaya kun hihilingon, nasa P1,000 an nawawarang kita kan mga tsuper na dapat nagagamit na para sa pangangaipo kan saindang mga pamilya.
Sinabi pa niya na maski magbaba o maglangkaw an presyo sa world market, an dapat bako otomatikong nagbaba o nagtataas man an presyo sa nacion asin dapat ubuson muna an mga nabakal sa mas baratong presyo kan mga kumpanya.
Kaya agrangay man liwat kan grupo na maibasura na an oil dregulation law, siring man an agarang pag-amyenda sa P1,200 na pasahod sa mga obrero.
