Kinansela an pretrial ni Senador Rodante Marcoleta sa Sandiganbayan Third Division ngunyan na Lunes, Agosto 10 huli sa maraot na panahon.
Kinumpirmar ini ni anti-graft court division clerk of court Dennis Pulma.
An nasabing division an nagkakapot sa kasong plunder kan senador asin mga kapwa akusado kaini na sinda dating Anakalusugan Party-list Rep. Mike Defensor asin negosyanteng sinda Joseph Espiritu asin Aristotle Viray katakod kan suboot dae ipigreklarar na P75 milyong campaign donations kan tulo ki Marcoleta.
An nasabing pretrial an inilipat sa Biyernes, Agosto 14.
An pretrial an parte kun sain pigigibo an pagmamarka para sa pag-aram kan mga ebidensya asin stipulation of facts kan kaso antes magpuon an mismong paglilitis.
Marurumduman na enot nang nag-plead not guilty sinda Marcoleta asin tulong mga kapwa akusado kaini sa kasong plunder kasabay kan pagbasa sainda nin sakdal.
