Posibleng maghalangkaw an presyo kan sardinas.
Ini an makalihis na hagadon kan mga manufacturer kan canned sardines na itaas an presyo kan saindang mga produkto kawsa na man kan pagtaas suboot sa presyo kan imported tin sheets huli sa nagluluyang kantidad kan piso.
Sinabi ni Canned Sardines Association of the Philippines executive director Francisco Buencamino, nag-apela na sinda sa Department of Trade and Industry (DTI) para sa P3 na dagdag sa suggested retail price (SRP) kan saindang mga produkto.
Segun saiya, an SRP kan kadaklan kan saindang mga produkto an P21, asin saindang kahagadan an gibuhon ining P24.
Sinabi niya na napipilay na an mga canned sardine manufacturer sa halangkaw na kantidad kan tin sheets.
Ipinaliwanag niya na imported kaya an tin sheets, asin mantang nagluluya an kantidad kan piso kontra dolyar, nagmamahal man an presyo kaini.
Sinabi niya na kun dae pagbibigyan an saindang kahagadan, mababawasan na an numero kan mga brands na nasa SRP level, o mas kadakol an mas mahal na mga sardinas.
