LEGAZPI CITY-Nagtetenir an presyo kan mga paputok sa Legazpi City pirang aldaw antes an selebrasyon kan Bagong Taon.
Segun kay Gina Baldano, saro sa mga Firecracker vendor, sa intrevista kan intrevista kan Bombo Radyo Legazpi na wara man nin nabago sa mga presyo.
Dugang pa kan paratienda na poon kan Disyembre 21 pasaro-saro an mga parabakal sa saindang pwesto.
Alagad mabenta man suboot an mga para sa aki siring kan 3-star asin Kwitis na nasa P20 man liwat an presyo.
Pinakamahal man an presyo kan fireworks na nagpapakol sa P3,000 – P5,000 depende sa size kaini.
Magsasarado man an barakalan sa pagabot kan ika-1 kan Enero.
Piglalaoman man kan mga paratienda na magin maayos an barakalan huli sa nag-iinit na an panahon ngani maubos an saindang mga paninda.
