LEGAZPI CITY—Posibleng maghalangkaw suboot an presyo nin mga pangenot na barakalon Daraga Market mantang papaharani an holiday season.
Segun ki Daraga Market Administrator Themis Lobete, sa intrevista kan Bombo Radyo Legazpi, piglalaomang mahalangkaw an presyo kan karneng manok asin orig huli sa halangkaw man an presyo kan liveweight kan mga ini na nagsasakat sagkod P190 kada kilo, siring man an paghalangkaw sa demand kan mga siring na produkto.
Sinabi man kan opisyal na bastante man suboot an mga suplay kan mga karne sa nasabing merkado.
Sa presente wara pa man sindang nanutaran na nagbabalgar sa mga tamang presyo kan pangenot na barakalon.
Pig-asigurar man ni Lobete na padagos an saindang monitoring sa mga presyuhan kan mga produkto sa merkado nganing matawan nin tamang presyo an mga konsomedores asin matawan nin mga giya na dapat na sunudon urog na sa mga paratienda sa Daraga Market.
