Posibleng magsakat pa sa P1,500 an presyo kan kada 11-kilogram na tangke nin liquefied petroleum gas (LPG) paglaog kan bulan nin Abril.
Ini an patanid kan LPG Marketers Association (LPGMA) huli sa halangkaw na presyo kan shipping cost asin huli sa limitadong access sa Strait of Hormuz.
Dugang pa kaini na pigsugo kan Department of Energy (DOE) an mga private sectors na magpadagos sa pagbakal nin LPG maski pa gurano an presyo kaini ngani na mamantenir an suplay.
Enot ng sinabi kan DOE sa Senado na an stock kan LPG sa nacion an maabot na sana sa hanggang 25 aldaw.
Alagad segun sa grupo na an inventory an kaya pang umabot nin 35 aldaw hasta 40 aldaw.
