Bumagsak ang presyo kan krudo sa pankinabang merkado makalihis ianunsyar kan Iran na “completely open” na ang Strait of Hormuz sa mga commercials ships na nag-aagi digdi.
Susog sa report, nagbaba sa pocomas o menos $88 kada bariles ang Brent crude gikan sa labi $98 kan Sabado (aldaw sa Pilipinas).
An Strait of Hormuz an sarong importanteng ruta na nagdadara nin haros 20% kan pankinabang langis asin liquefied natural gas.
Sinabi ni Iranian Foreign Minister Abbas Araghchi na pwedesir makaagi an gabos nin commercial vessels mantang nag-iiral an ceasefire sa rehiyon.
Huli digdi, naghalangkaw man an ang mga stock market sa U.S. asin Europa kung sain naghalangkaw an S&P 500, Nasdaq, asin Dow Jones nin hasta 1% mantang an mga Europa siring kan DAX sa Germany asin CAC sa France an naghalangkaw nin labi 2%.
Sa ibong kan pagbubukas kan ruta, nagtitinor na maingat an pirang shipping companies asin sinabing mahalat muna sinda bago mag-agi sa nasabing lugar huli sa isyu kan seguridad.
Mientrasanto, pirang analyst an nagsabing pwedesir magtinir na pabago-bago ang presyo kan langis mantang dae pa ganap na stable ang sitwasyon sa rehiyon.
