LEGAZPI CITY-Naglangkaw liwat an presyo kan imported na sibulyas, basado sa pagbabantay kan Department of Agriculture (DA).
Huli kaini, itinaas kan ahensya an maximum suggested retail price (SRP) kan mga imported na sibulyas na epektibo poon ngonian na aldaw.
Hale sa dating P120 kada kilo, itataas na ngonian sa P150 kada kilo, o katumbas kan P30 na paglangkaw.
Paliwanag ni Agriculture Sec. Francisco Laurel Jr. na naglangkaw an presyo kan sibulyas sa mga nacion na nagseserbing supplier sa Pilipinas arog kan China, India, asin Netherlands.
Mientrastanto, suspendido man an pag-importar nin sibulyas puon sa Enero sa masunod na taon, ini ngani mabuksan an dalan para local harvest sa bulan kan Pebrero.
Sa ibong kan pagbabago sa presyo kan pulang sibulyas, magtetenir na P120 kada kilo an maximum SRP para sa puting sibulyas.
