LEGAZPI CITY-Posibleng maglangkaw giraray an presyo kan diesel asin gasolina sa masunod na semana makalihis na magsiklab giarary an tensyon sa pagultanan kan Estados Unidos asin Iran sa Middle East.
Segun sa sarong source sa industriya, posibleng maglangkaw nin hasta sa P1.00 kada litro an diesel asin sagkod sa P2.00kcada litro an gasolina.
An pagtantiya na ini nangyari makalihis na an Estados Unidos maglansar nin mga pag’atake sa Iran bilang simbag sa pag’atake kan Tehran sa sarong barkong igwang kargamento sa Strait of Hormuz.
An piglalaoman na paglangkaw kan presyo kan langis kasunod kan mayor na rollbacks na pig-implementar kan nakaaging semana kun saen nagbaba an presyo kan diesel nin sagkod sa P11.04 kada litro asin an presyo kan gasolina nin P5.90 kada litro.
Padagos na pinagbabantayan kan mga motorista asin industriya kan langis an mga kaganapan sa Middle East.
