LEGAZPI CITY—Mantang sinabi kan Department of Agriculture na nagbaba na suboot an presyo kan bagas sa mga merkado, pighayag kan grupong Bantay Bigas na nagtitinir man liwat na halangkaw an presyo kaini para sa mga ordinaryong namamanwaan.
Segun ki Bantay Bigas Spokesperson Cathy Estavillo, sa intrevista kan Bombo Radyo Legazpi, na pwedesir na pigkukua kan DA an siring na datos sa average kan mga high and lowest price kan bagas alagad kun mapasiring sa tunay na merkado posibleng namantinir an P60 na 5 percent broken imported rice.
Segun saiya na kun dae magbugtak nin price cap sa mga bagas an dae makakahiling nin P60/kilo na bagas sa merkado.
Dugang niya an an pigsabi kan ahensya na nagbaba an presyo kan bagas an makokonsiderar na halangkaw huli man sa kadakol an nawaran nin trabaho urog na sa hanay kan paraooma .
Pagdoon ni Estavillo na kun desidido na pababaon an presyo kan bagas an dapat ibalk an subsidized price kaini sa merkado na nawara kan nagibong ley an Republic Act 11203 o Rice Tariffication Law asin pakusogon pa an lokal na produksyon kan bagas sa nacion.
